Ang “Pilipinas kong Hirang” ay isang serye ng batayang sanayang aklat na bibinibigyang diin ang panlipunan at pandamdaming pag-unlad. Isa sa pangunahing pangangailangan ng ating bansa ngayon ang pagkakaroon ng pagkakaisa at diwang makabayan na magbubuklod sa mga mamamayang Pilipino. Bilang pagtugon sa pangangailangan, ang aklat na Piipinas Kong Hirang ay mainagt na inhanda at isinulat. Ang mga ito ay batay sa mga batayang kaalaman, kaisipan, kasanayan at pagpapahalaga para sa Sibika at Kultura/HEKASI (Heograpiya, Kasaysayan at Sibika) sa mababang paaralan.

Sa pag-aaral ng aklat na ito, unti-unting maikikintal sa isipan ng bata ang pagmamalaki sa kanyang bansang sinilangan, ang pagkakaroon ng pagkakaisa at diwang pagkakabuklod sa mga mamamayang Pilipino at ang kanyang karapatan, tungkulin at pribelihiyo bilang mamamayan.

Binibigyang-diin din ang moral, panlipunan at espiritwal na mga pagpapahalaga para sa aktibo niyang pakikibahagi sa mga gawain sa tahanan, paaralan, pamayanan, at simbahan.

                Upang maging madali at kasiya-siya ang mga aralin sa aklat na ito, ang mga nilalaman ay nahahati sa apat na bahagi.  Ang bawat aralin ay nakatuon sa mga aspektong pangkaisaipan, pandamdamin at pansaykomotor.

                Bawat aralin ay nahahati sa limang bahagi:

                1. Gawaing Pamukaw

                2. Alamin at Suriin

                3. Ibuod

                4. Pagbutihin

                5. Magbago